काठमाडौं हंस बहुद्देश्यीय सहकारी संस्था लिमिटेडले रक्तदान कार्यक्रम आयोजना गरेको छ । संस्थाले सोमबार आफ्नो सातौं वार्षिकोत्सवका अवसरमा रक्तदान एवं सदस्य सम्मान कार्यक्रम सम्पन्न गरेको छ । उक्त रक्तदान कार्यक्रममा पाँचजना महिलासहित ५१ जनाले रक्तदान गरेका बैंकले जनाएको छ ।
साथै सेयर सदस्यको मनोबल बढाउन विभिन्न विधामा ५८ जना सेयर सदस्यलाई सम्मान र संस्थामा कार्यरत कर्मचारीमध्ये धु्र्रवराज ढुंगानालाई उत्कृष्ठ कर्मचारी अवार्ड प्रदान गरएको संस्थाले जनाएको छ ।
नेपाल प्रहरी प्रधान कार्यालयबाट सम्मानित संस्थाका उपाध्यक्ष बाबुराम अधिकारी तथा होटेल व्यवसायी महासंघको केन्द्रीय सल्लाहकारमा मनोनीत भएकोमा सेयर सदस्य रामप्रसाद सुवेदीलाई समेत कार्यक्रममा सम्मानपत्र प्रदान गरियो ।
कार्यक्रममा संस्थाका अध्यक्ष दिनेशकुमार चुकेले संस्थाले संकलित निक्षेपलाई उत्पादनमूलक क्षेत्रमा ऋण लगानी गर्ने र प्राप्त मुनाफालाई सामाजिक क्षेत्र एवं सेयर सदस्यलाई लाभांशका रूपमा वितरण गरी सधैं सेयर सदस्यको हितमा लागिरहने बताए ।
प्रतिक्रिया दिनुहोस !
