काठमाडौः लक्ष्मी हेयर एन्ड ब्युटी स्टुडियोले ललितपुरमा तेस्रो शाखा विस्तार गरेको छ । ललितपुरको पुल्चोकस्थित भाटभटेनीमा सञ्चालन गरिएको शाखाको उद्घाटन हाँस्यकलाकार सिताराम कट्टेल ‘धुर्मुस’ र कुन्जना घिमिरे ‘सुन्तली’ले गरेका थिए । उक्त अवसरमा स्टुडियोले धुर्मुस-सुन्तली फाउन्डेसनलाई ५० हजार रुपैयाँ नगद सहयोग गरेको थियो ।
१७ वर्षदेखि राजधानीमा सञ्चालित लक्ष्मी हेयर एन्ड ब्युटी स्टुडियोले काठमाडौंको महाराजगञ्ज र कोटेश्वरपछि ललितपुरको भाटभटेनीमा शाखा विस्तार गरेको हो । यहाँबाट महिला तथा पुरुषले कपाल तथा सौन्दर्यसम्बन्धी सम्पूर्ण सेवा लिन सक्नेछन् । बुटिक शैलीमा सञ्चालनमा आएको ललितपुर शाखा पारिवारिक हेयर एन्ड ब्युटी स्टुडियो भएको स्टुडियोका अध्यक्ष लक्ष्मी ठाकुरले बताए । ग्राहकको चाहनालाई मध्यनजर गर्दै शाखा सञ्चालनमा ल्याइएको अध्यक्ष ठाकुरले बताए ।
‘बच्चादेखि वृद्धा सबै हाम्रा ग्राहक हुन्, मध्यम वर्गदेखि उच्च घरानियासम्मलाई लक्षित गर्दै स्टुडियो सञ्चालनमा ल्याएका हौं’, उनले भने, ‘सामाजिक उत्तरदायित्वअन्तर्गत धुर्मुस-सुन्तली फाउन्डेसनलाई सहयोग गरेका हौं ।’ फाउन्डेसनका सिताराम कट्टेल र कुञ्जना घिमिरेले स्टुडियोले गरेको सहयोगको स्वागत गर्दै एकीकृत वस्ती निर्माणमा सहयोग गर्न सबैलाई आग्रह गरे ।
प्रतिक्रिया दिनुहोस !
