काठमाडौः सिटी एक्सप्रेस मनी ट्रान्सफर प्रालिले २०७३ सालको दसैंतिहार र छठको अवसरमा ल्याएको प्रवद्र्धनात्मक कार्यक्रम ‘सिटी बजाउनुहोस् काठमाडौंमा घडेरी पाउनुहोस्’ योजनाको बम्पर विजेता घोषणा गरेको छ । उक्त योजनाको बम्पर बिजेताका रूपमा महोत्तरीस्थित लक्ष्मिनिया-७ निवासी सनदिलिपकुमार महतो छनोट भएका छन् ।
उनले साउदी अरवस्थित टेलिमनीबाट सिटी एक्सप्रेस मनी ट्रान्सफरमा ५६ हजार चार सय ९७ रुपैयाँ पठाएका थिए । उनले कम्पनीको तर्फबाट काठमाडौं उपत्यकामा चार आना घडेरी जितेका छन् । उक्त प्रवद्र्धनात्मक कार्यक्रम मिति २०७३ असोज १५ देखि पुस १६ सम्म लागू गरिएको थियो ।
सोही योजनाअन्तर्गत १२ हप्तासम्म प्रत्येक हप्ता एक जनालाई ३२ इन्च एलईडी टेलिभिजन प्रदान गर्ने योजनाअनुसार १२ जना भाग्यशाली विजेताले १२ थान ३२ इन्च एलईडी टीभी प्राप्त गरिसकेका छन् ।
प्रतिक्रिया दिनुहोस !
