ट्रक र ट्यांकर ठोक्किदा एकको मृत्यु, सात घाइते
सिमराः बाराको अमलेखगञ्जमा बिहीवार बिहान ट्रक र टञएक आपसमा ठोक्किदा एक जनाको घटनास्थलमै मृत्यु भएको छ । दुर्घटनामा सात जना घाइते भएका छन्। भारतको बर्गिनियाबाट हेटौडातर्फ पेट्रोल लिएर हिडेको ना५ख ११०७ नम्बरको टयांकर र लु१ख ९५८५ नम्बरको ट्रक एकआपसमा ठोक्किदा दुर्घटना भएको हो । दुर्घटनामा टयांकर चालक अमलेखगञ्ज १ का २८ बर्षिय हरि बिश्वकर्माको घटनास्थलमा मृत्यु भएको बारा प्रहरीले जनाएको छ।
दुर्घटनामा घाइते भएका सात जना मध्ये ट्रक चालक अर्घाखाँची सितारा ६ का २० बर्षीय कमल गुरुङ्गको अवस्था गम्भीर रहेको र उपचारका लागि भरतपुर पठाइएको प्रहरी निरिक्षक गोविन्द कार्कीले जानकारी दिनुभयो । टयांकरमा पाच जना र ट्रकमा तीन जना सवार रहेका थिए ।
दुर्घटनामा घाइते भएका अन्यको हेटौडास्थित चुरे हिल अस्पतालमा उपचार भइरहेको प्रहरीले जानकारी दिएको छ । दुर्घटनापछि पथलैया–हेटौडा सडकखण्ड अवरुद्ध रहेको र खुलाउने प्रयास भईरहेको प्रहरीले जानकारी दिएको छ ।
प्रतिक्रिया दिनुहोस !
