अविवाहित आमाबाट जन्मिएकी छोरी समाजमा अब्बल

गुरुङ समुदायको परम्परागत संस्कृति “रोँधी”मा आउ जाउ गर्ने एक युवती गर्भवती हुन्छिन् । अविवाहित आमाको विल्ला भिरेर उनी समाजबाट तिरस्कृत हुिन्छन् । गाउँबाटै निकालिन्छन् ।
उनै अविवाहित आमाबाट जन्मिएकी छोरी भने गाउँ समाजका लागि हितकर मानिन्छिन् । पढाईमा अब्बल हुँदै गाउँका कुरिती विरुद्ध लड्ने र आप्mना अपरिचित बाबुको खोजीमा चलचित्र तमुस्यो घुमेको छ । उनको यस्तो अभियानमा कलेजका साथीहरुले पनि साथ दिन्छन् ।
चलचित्र “तमुस्यो”ले त्यही युवतीको कथा भनेको कार्यकारी निर्माता प्रदीप कुमार गुरुङ बताउँछन् । रोँधीघरलाई विकृति मान्नेहरुका लागि चलचित्र “तमुस्यो”ले यो विकृति नभई सिर्जनशिल घर अर्थात सँस्कृति हो भन्ने सन्देश दिन चाहेको उनको भनाई छ । चलचित्रका निर्माता ईश्वर गुरुङ र प्रदिप गुरुङ समेत रहेका छन् ।
नारी प्रधान चलचित्र तमुस्योमा कलाकारहरु उर्मिला गुरुङ, रोश्नी गुरुङ, सुमित गुरुङ, निखिल गुरुङ, बलबहादुर गुरुङ, प्रेमा गुरुङ लगायतको अभिनय हेर्न सकिन्छ । झण्डै २२ लाख रुपैयाँको लागतमा निर्माण गरिएको चलचित्रको लेखन तथा निर्देशन माओत्सेतुङ गुरुङले गरेका छन् ।
तीन वटा गीत रहेको चलचित्र तमुस्योमा गायकहरु मेलिना राई, रजनी राई, निखिल गुरुङ र शान्ति गुरुङले स्वर भरेका छन् । चलचित्रमा नृत्य निर्देशन लवसन गुरुङले गरेका छन् । स्याङ्जाको चित्रे र पोखरा आसपासका क्षेत्रमा छायाङ्कन गरिएको हो । चलचित्रको छायाङ्कन भने खिमबहादुर गुरुङले गरेका हुन् ।
चलचित्रको छायाङ्कन सकिएर सम्पादन समेत अन्तिम चरणमा पुगेको निर्माण पक्षले जनाएको छ । आगामी असोज÷कात्र्तिकमा विशेष प्रदर्शनमा ल्याउने तयारी गरिएको कार्यकारी निर्माण प्रदीपकुमार गुरुङले जानकारी दिए ।