शर्मिला बर्देवा र सपनकुमार राईको ‘मेरो मनमा बस’ भिडियो सार्वजनिक

काठमाडौं : गायिका शर्मिला बर्देवा र गायक सपनकुमार राईको आवाजमा समावेश ‘मेरो मनमा बस’ बोलको गीतको म्यूजिक भिडियो सार्वजनिक गरिएको छ। किरण कर्णेलका शब्द सिर्जना संगीतकार शेखर सन्तोषले समधुर संगीत भरेको गीतले रिलिज गरे लगत्तै राम्रो चर्चा पाइरहेको छ।

बेलायतको ग्रामीण भेग कन्ट्री साइड वरपरका रमणीय स्थानमा छायांकन गरिएको भिडियो पृथक बनेको छ। जसको निर्देशन दन्त चिकित्सक तथा चलचित्र निर्माता डा कपिल रिजालले गरेका हुन्।

प्रसिद्ध स्त्रीरोग विशेषज्ञ डाक्टर भोला रिजालका छोरा कपिलले यस अघि चलचित्र ‘ड्रिम्स’ मा समेत लगानी गरेका थिए। भिडियो सम्पादन र छायांकन कुशल श्रेष्ठले गरेका छन्। जसमा अन्जु बस्नेत र टंक धमलाको अभिनय रहेको छ।