काठमाडौं : एनआईसी एसिया बंैक लिमिटेडले ग्राहकलाई अमेरिकी डलर सटही सुविधा उपलब्ध गराउने व्यवस्था मिलाएको छ । बैंकले सयौंको संख्यामा दैनिक रूपमा बिदेसिने नेपालीको संख्या उच्च भएकाले ग्राहकलाई सुविधा दिन डलर आयात सुरु गरेको हो ।
नेपाल राष्ट्र बैंकको हालको नियमानुसार नेपाली नागरिकले विदेश जाँदा आफ्नो राहदानीबापत २५ सय अमेरिकी डलरसम्म सटही सुविधा प्राप्त गर्न सक्ने व्यवस्था लागू गरेको छ ।
बैंकले पहिलो चरणमा काठमाडौंभित्रका ३२ शाखा कार्यालय र उपत्यकाबाहिरका विराटनगर, वीरगन्ज, धरान, पोखरा, नेपालगन्ज, नारायणगढ, बुटवललगायत शाखाबाट सेवा प्रदान गर्ने जनाएको छ । साथै, यस बंैकले विदेश जाने ग्राहकलाई भिसा इन्टरनेसनल डेबिट कार्डमार्फत पनि अमेरिकी डलर सटही सुविधा प्रदान गर्दै आएको छ ।
प्रतिक्रिया दिनुहोस !
