काठमाडौं : ओप्पोले आफ्नो सफल उत्पादन ओप्पो एफथ्री ब्ल्याक इडिसनलाई सीमित बनाएको छ । विश्वको स्मार्टफोन बजारमा क्यामेरा फोनको रूपमा परिचित ओप्पोले एफथ्री ब्ल्याक इडिसनलाई लिमिटेड इडिसनमा परिणत गरेको हो । नेपाली बजार मूल्य ३२ हजार नौ सय ९० रूपैयाँ रहेको एफथ्री ब्ल्याक इडिसनले बजारमा पाएको सफलतालाई मध्यनजर गर्दै एफथ्रीलाई सीमित उत्पादनका रूपमा प्रस्तुत गरिएको कम्पनीले जनाएको छ ।
नेपाली बजारमा भित्रिएको छोटो समयमै ओप्पोले आफ्नो परिचय सेल्फी एक्सपर्ट क्यामेरा फोनको रूपमा स्थापित गरिसकेको छ । एक पछि अर्को सेल्फी केन्द्रित क्यामेरा फोन सार्वजनिक गरिरहेको ओप्पोका उत्पादन सेल्फी मन पराउने युवा पुस्तामाझ लोकप्रिय छ । केही समय अगाडि मात्र नेपाली बजारमा सार्वजनिक भएको ओप्पो एफथ्रीले बिक्री संख्याका आधारमा उल्लेखनीय सफलता हात पारेको हो ।
ब्ल्याक एफथ्रीलाई लिमिटेड इडिसनका रूपमा लाने घोषणा गर्दै ओप्पो नेपालका प्रमुख कार्यकारी अधिकृत जोनी जीले ओप्पोको एफथ्री ब्ल्याक इडिसनका सम्बन्धमा नेपाली उपभोक्ताले दिएको प्रतिक्रियाले कम्पनीलाई उत्साहित बनाएको बताए । उनले यसरी ब्रान्डप्रति उपभोक्ताले देखाएको माया तथा सहयोगका लागि कृतज्ञता व्यक्त गर्दै ब्ल्याक एफथ्रीको इडिसनलाई लिमिटेड इडिसनमा लाने घोषणा गरिएको बताए ।
विशेष गरी मिड रेन्जको बजार लक्षित ओप्पो एफथ्रीको ब्ल्याक लिमिटेड इडिसनमा आकर्षक डिजाइन, अत्याधुनिक प्रविधि, डुअल फ्रन्ट क्यामेरा, फास्ट चार्जिङ प्रविधिलगायत विभिन्न सुविधा छन् । पहिले गोल्ड कलरमा सार्वजनिक गरिएको ओप्पो एफथ्रीलाई उपभोक्ताको माग अनुरूप कम्पनीले कालो रंगमा प्रस्तुत गरेको थियो ।
ओप्पो एफथ्रीमा डुअल फ्रन्ट फेसिङ क्यामेरा ‘एउटा सेल्फी र अर्को गु्रप सेल्फीका लागि' रहेको छ । फोनमा १÷३ इञ्च सेन्सर र पीडीएएफ प्रविधिसहितको १३ मेगापिक्सेल क्षमताको रियर क्यामेरा जडान गरिएको छ । कलर अपरेटिङ सिस्टम ३.० मा आधारित अक्टाकोर प्रासेसरमा आधारित फोनमा चार जीबी र्याम र ६४ जीबी रोम रहेको छ । फोनमा दुईवटा सिम र एउटा माइक्रो एसडी कार्डको प्रयोग गर्न सकिन्छ । ओप्पो एफथ्रीमा तीन हजार दुई सय एमएएच क्षमताको ब्याट्री जडान गरिएको छ ।
प्रतिक्रिया दिनुहोस !
