काठमाडौं : टाटा मोटर्सको नेपालका लागि आधिकारिक वितरक सिप्रदी ट्रेडिङ प्रालिले बिहीबारदेखि सुरु गरेको टाटा मोटर्स कार मेला आइतबार सकिँदैछ । काठमाडौंको नक्साल बैंक्वेटमा आयोजना भइरेहको उक्त मेला दिउँसो १ः०० बजेदेखि बेलुकी ८ः०० बजेसम्म सञ्चालन भइरहेको छ । कम्पनीको उत्कृष्ट कार्यक्रमको रूपमा रहेको यस कार मेलामा हरेक वर्ष ग्राहक तथा शुभेच्छुकबाट सकारात्मक प्रतिक्रिया आएको कम्पनीले जनाएको छ ।
वार्षिक रूपमा आयोजना हुँदै आएको यो मेलामा ग्राहकले विभिन्न आकर्षक अफरका साथ टाटाका कार खरिद गर्ने सक्नेछन् । उक्त मेलाको उद्घाटन बिहीबार टाटा मोटर्सको नेपालका लागि कन्ट्री म्यानेजर, अजित सिंह र सिप्रदी ट्रेडिङ प्रालिका जनरल म्यानेजर प्रविन खतिवडाले संयुक्त रूपमा गरेका थिए । कार मेला सिजन ५ को मुख्य आकर्षणमा टाटा प्यासेन्जर गाडीको बृहत् प्रदर्शनी, एक्सचेन्ज सुविधा, अन द स्पट फाइनान्स र बिमा सुविधा, टेस्ट ड्राइभलगायत विभिन्न सांगीतिक एवं मनोरन्जनात्मक कार्यक्रम छन् ।
मेलामा ग्राहकलाई गाडी खरिद गर्दा चार लाखसम्म नगद छुट, आकर्षक उपहार, एक्सचेन्जमा एउटा निःशुल्क वास कुपन, हरेक टेस्ट ड्राइभमा दुईवटा मुभी टिकट, निःशुल्क पूर्ण तथा थर्ड पार्टी बिमा सुविधा र बुकिङमा एउटा जोडीलाई थाइल्यान्ड ट्रिपको अफर प्रदान गरिने कम्पनीले जनाएको छ । विशेष गरी कारका पारखीका लागि लक्ष्य गरी आयोजना गरिएको उक्त कार मेलामा सम्पूर्ण दर्शकका लागि निःशुल्क प्रवेशको व्यवस्था गरिएको छ ।
प्रतिक्रिया दिनुहोस !
