काठमाडौं : नेपालमा रेनोको आधिकारिक वितरक एडभान्स अटोमोबाइल प्रालि (विशाल समूहको सहायक) ले रेनो कार प्रेमीका लागि रेनो एक्सपिरियन्स कार्यक्रम आयोजना गरेको छ । ‘एक्सचेन्जमा दम छ, एक्साइटमेन्ट फुल अन छ’ भन्ने नाराका साथ आयोजना गरिएको कार्यक्रममा पुरानो कारका प्रयोगकर्ताले रेनोको नयाँ कार एक्सचेन्ज गर्न पाउनेछन् ।
रेनोको क्विड, डस्टर र लजी मोडलमा एक्सचेन्ज उपलब्ध छ । अभियानअन्तर्गत वर्षभरिका लागि सडक कर फ्री, स्पट फाइनान्स, तुरुन्त मूल्यांकन र एक्सचेन्ज, आकर्षक क्यास डिस्काउन्टका साथै पाँच वर्षसम्मको बिस्तारित वारेन्टी जस्ता अफर उपलब्ध गराइएको छ । यो अभियान शनिबारसम्म बुटवल र बिर्तामोडमा आयोजना भएको थियो ।
साथै यो अभियान आइतबारदेखि मंगलबारसम्म भैरहवा र विराटनगरमा, साउन २५ गतेदेखि २७ सम्म दाङ र नारायणघाटमा र २८ देखि ३० गतेसम्म धनगढी र पोखरामा हुनेछ । रेनो एक्सपिरियन्सले ग्राहकलाई एक्सचेन्जको माध्यमबाट नयाँ पुस्ताका कारबारे जानकारी दिनुका साथै उत्कृष्ट ड्राइभिङको आनन्द प्रदान गर्ने कम्पनीले जनाएको छ ।
प्रतिक्रिया दिनुहोस !
