काठमाडौं : विपद् परेका रामेछापवासीलाई सहयोग गर्ने उद्देश्यले हिलेदेवी-काठमाडौं जनसम्पर्क मञ्चले गरेको देउसी भैलो कार्यक्रममबाट पाँच लाख ७७ हजार रुपैयाँ संकलन भएको छ। काठमाडौंस्थित गौरीशकंर पार्टी प्यालेमा दीपावलीको अवसरमा आयोजित कार्यक्रममा रामेछापबाट काठमाडौंमा आएर विभिन्न पेशा व्यवसायमा आबद्ध रामेछापवासीले कोष स्थापनार्थ आर्थिक सहयोग गरेका हुन्।
हिलेदेवी-काठमाडौं जनसम्पर्क मञ्चले विपदमा परेका रामेछापवासीलाई सहयोग गर्ने उदेश्यले विपद् व्यवस्थापन कोष स्थापना गरेको हो। देउसी भैलो कार्यक्रममा सुनापति गाउँपालिका अध्यक्ष धावा लामाले कोष स्थापनार्थ गाउँपालिको तर्फबाट ९९ हजार ९ सय ९९ रुपैयाँ , नेपाली कांग्रेसका नेता पूर्णबहादुर तामाङ (कान्छाराम) ले ६७ हजार रुपैयाँ, फाइभ फिङगर कन्ट्रक्सन प्रालिका अध्यक्ष बिबि तामाङले ५५ हजार पाँच सय, पाली ओरर्सिज प्रालिका दीपक मोक्तानले ५५ हजार रुपैयाँ, सुनापति कन्ट्रक्सनका अध्यक्ष बबुरमान मोक्तानले ५५ हजार रुपैयाँ, समाजसेवी गणेश घिसिङले ५५ हजार रुपैयाँ, हिलेदवी निवासी समाजसेवी आले लामाले ५० हजार ५ सय रुपैयाँ, समाजसेवी रामकृष्ण खत्रीले २५ हजार रुपैया, माओवादी नेता टंकलाल घिसिङ ‘टकल’ले २२ हजार रुपैयाँ आर्थिक सहयोग प्रदान गरेका छन्।
कोष स्थापना गर्नको लागि देउसी भैलो कार्यक्रममा विभिन्न राजनीतिक दलका नेता, संघ संस्था र व्यक्तिले कोष स्थापना गर्नको लागि आर्थिक सहयोग प्रदान गरेका हुन्।
हिलेदेवी-काठमाडौं जनसम्पर्क मञ्चका अध्यक्ष रोज थिङले आगामी दिनमा विपदमा परेका रामेछापवासीको अवस्था हेरेर आर्थिक सहयोग गर्ने बताए। उनले कोषमा आर्थिक सहयोग गर्न इच्छुक व्यक्तिले पनि सहयोग गर्न आग्रह गरेका छन्।
प्रतिक्रिया दिनुहोस !
