आत्मघाती बम हमलामा चारको मृत्यु
अफगानिस्तान: अफगानिस्तानको उत्तरी प्रान्त बाल्खको मजार ई सरिफ सहरमा अवस्थित एक होटेलमा बिहीबार भएको एक बम विस्फोटनमा परी कम्तीमा चार जनाको मृत्यु भएको छ।
स्थानीय समयाअनुसार बिहीबार बिहान ७ बजे आक्रमण भएको जनाइएको छ। आक्रमणमा परी अन्य दुई जना घाइते भएको नाम नबताउने शर्तमा सुरक्षा अधिकारीहरुले जानकारी दिएका छन्।
हामीलाई प्राप्त जानकारी अनुसार एक जना आक्रमणकारी र अरु तीन जना सर्वसाधारणको मृत्यु भएको छ, दुई जना घाइते भएका छन्, ती अधिकारीले भने।
उनले त्यस बाहेक अरु विस्तृत विवरण आउन बाँकी रहेको र थप विवरणको खोजीमा सेना र प्रहरीको संयुक्त टोली लागेको स्थानीय सञ्चारलाई जानकारी दिएका छन्।
प्रतिक्रिया दिनुहोस !
