काठमाडौं : समाचारको स्रोत माग्दै महानगरीय प्रहरी परिसरले अनलाइन मिडियालाई पत्र काटेकोप्रति नेपाल पत्रकार महासंघले ध्यानाकर्षण भएको बताएको छ ।
महासंघले समाचारको स्रोत माग्ने अधिकार प्रहरीसँग नभएको समेत प्रष्ट पारेको छ । ‘प्रहरीले केही अनलाइन मिडियालाई समाचारको स्रोत खुलाउन पत्र काटेको घटनाप्रति नेपाल पत्रकार महासंघको गम्भीर ध्यानाकर्षण भएको छ’, महासंघका महासचिव रमेश विष्टले सार्वजनिक गरिएको विज्ञप्तिमा भनिएको छ, ‘प्रकाशित÷प्रसारित समाचारको स्रोत खोज्ने अधिकार प्रहरीलाई नभएको महासंघ स्पष्ट गर्न चाहन्छ ।’
महासंघले यस किसिमका घटनाले सञ्चारमाध्यमलाई निर्वाधरूपमा प्रेस स्वतन्त्रताको उपभोग गर्ने काममा बाधा पु¥याउने महासंघको ठहर छ ।
प्रतिक्रिया दिनुहोस !
३
