गुलरिया : पुर्वपश्चिम राजमार्ग अन्र्तगत बर्दियाको बारबर्दिया नगरपालिका -८ स्थित औरीबजार चोकमा जीप दुर्घटना हुँदा २ जनाको मृत्यु भएको छ । धनगढीबाट नेपालगञ्जतर्फ गैरहेको बा १७ च १२१७ नम्वरको जीप गुडिरहेको अवस्थामा पछाडिको चक्का पड्किँदा शुक्रबार बेलुकी दुर्घटना भएको हो ।
जीप दुर्घटनामा परी कञ्चनपुर भिमदत्त नगरपालिकाका ३२ वर्षीय भुवन पन्थ र म्याग्दी वेनीका ४२ वर्षीय रामबहादुर हमालको मृत्यु भएको जिल्ला प्रहरी कार्यालय बर्दियाका प्रहरी नायव उपरीक्षक युवराज खड्काले जानकारी दिए । उनीहरुको बाँकेको कोहलपुरस्थित मेडिकल कलेजमा उपचारका क्रममा मृत्यु भएको हो ।
खड्काका अनुसार कञ्चनपुर महेन्द्रनगर नगरपालिका ३० वर्षीय दिपेन्द्रसिंह ठकुल्ला, वेलौरी नगरपालिका १ का ५५ वर्षीय चक्रबहादुर शाही, डडेल्धुरा अमरगढी नगरपालिका २ का ३० वर्षीय ताराप्रसाद पाण्डे र ३५ वर्षीय ओमप्रकाश भट्ट, बर्दिया गुलरिया नगरपालिका ४ का २६ वर्षीय सुवास खरेल र डोटी सिलगढी नगरपालिका ४ का ३२ वर्षीय शिवराज विष्ट सामान्य घाइते भएका छन् ।
उनीहरुको छाती, हातखुट्टामा सामान्य चोटपटक लागेको प्रहरी निरीक्षक खड्काले बताए ।
प्रतिक्रिया दिनुहोस !
