रामेछाप : नेपाली कांग्रेसका सभापति एवं पूर्वप्रधानमन्त्री शेरबहादुर देउवाले आफ्नो सरकारले गरेका निर्णय उल्टाएर केपी ओली नेतृत्वको वर्तमान सरकारले मुडभेड निम्त्याउन खोजेको बताएका छन् ।
प्रेस युनियन रामेछापले सदरमुकाम मन्थलीमा आयोजना गरेको पत्रकार भेटघाटमा बोल्दै देउवाले सरकार प्रजातान्त्रिक मान्यतालाई कुल्चिएर निरंकुशतातर्फ उन्मुख भइरहेको आरोप समेत लगाए ।
देउवाले शान्तिपूर्ण विरोध प्रदर्शन गर्न समेत रोक लगाउने गरी सरकार उत्रिनु निरंकुशताको बाटोमा लागेको बताए । विगतमा आप्mनो सरकारले गरेका राजनीतिक नियुक्ति उल्टाउने कार्य आपूmलाई कुनै हालतमा स्विकार्य नहुने देउवाले बताए । सरकार हरेक क्षेत्रलाई नियन्त्रण र कब्जा गर्ने हिसाबले उत्रिएको बताउँदै भने,‘ यसको कांग्रेसले कडा प्रतिवाद गर्ने छ ।
फरक प्रसंगमा बोल्दै देउवाले वर्तमान सरकार भारत र चीनसँग लम्पसार परेर उत्रिएको बताए । उनले चीनबाट नेपालमा रेल आउने कुरा सपना मात्रै भएको बताउँदै त्यो पूरा नहुने बताए ।
सभापति देउवाले नेपाली कांग्रेसभित्र अब कुनै गुट नहुने दाबी गरे । उनले कांग्रेस भित्रको गुट अन्त गर्नका लागि आपूm खटिरहेको बताए । ‘अब कांग्रेस एक ढिक्का भएर अघि बढ्ने छ’, उनले भने ।
प्रतिक्रिया दिनुहोस !
