चितवन : सम्पदा अमगाई र विमल अमगाई चितवन प्लस टु अफ दी इयर–२०१८ को विजेता बनेका छन् । टप वान मिडिया प्रालि चितवनको आयोजना तथा इन्स्पायर एजुकेसन एकेडेमीको सहकार्यमा भएको ‘चितवन प्लस टु अफ दी इयर–२०१८’को ग्रान्ड फिनालेमा उनीहरूले आफ्ना प्रतिस्पर्धीलाई पछि पार्दै उपाधि चुमेका हुन् ।
चितवनको नारायणगढमा भएको यस सौन्दर्य प्रतियोगितामा महिलातर्फ फस्ट रनरअपमा गीता शर्मा तथा सेकेन्ड रनरअप ज्योति खड्काथोकी भए । पुरुषतर्फ राजेश सुनार फस्ट रनरअप भए ।
भविष्यमा राष्ट्रिय स्तरमा हुने विभिन्न प्रतिस्पर्धामा प्रतिनिधित्व गराउने उद्देश्यले प्रतियोगितामा आयोजना गरिएको टप वान मिडिया प्रालिका प्रबन्ध निर्देशक रब्स सापकोटाले बताए ।
प्रतियोगिताको विजेताले नगद १० हजारसहित क्राउन, ट्रफी, गिफ्ट लगायतका पुरस्कार प्राप्त गर्नुका साथै राष्ट्रिय स्तरका प्रतियोगितामा भाग लिन पाउनेछन् ।
चितवन प्लस टु अफ दी इयरको अन्तिम प्रतिस्पर्धामा सूर्य चन्द, नायक दिवस धिताल, मोडल चन्दा ढुंगाना तथा निर्माता निर्देशक दीपक खाँड निर्णायक थिए ।
प्रतिस्पर्धीलाई कोरियोग्राफरहरू राजेश कुमाल, सिर्जना गिरी, अस्मिता नेपालीबाट एक महिना विशेष प्रशिक्षण दिइएको थियो ।
प्रतिक्रिया दिनुहोस !
