काठमाडौं : मलेसियामा जारी एसीसी एसिया कप छनोट अन्तगरगत पाँचौ खेलमा अहिले नेपाल हङकङसँग प्रतिस्पर्धा गर्दै छ । नेपालले टस जितेर पहिले ब्याटिङ गर्ने निर्णय गरेको छ ।
अपडेट : निकै झिनो लक्ष्य दिएर हङकङविरुद्ध बलिङ गरिरहेको नेपालले ३ विकेट लिएको छ। सन्दीप लामिछानेले २ र सागर पुनले १ विकेट लिएका छन् । १५ ओभरमा हङकङको स्कोर ४८ रन छ ।
नेपालले खराब ब्याटिङ गर्दै हङकङलाई ९६ रनको झिनो लक्ष्य दिएको छ । नेपालले ३७.५ ओभरमा अलआउट हुँदै ९५ रन मात्रै बनायो ।
नेपालको ८ औं विकेट झरेको छ । आरिफ शेख २० रन बनाएर आउट भएका छन् । सन्दीप लामिछाने ब्याटिङ गर्न आएका छन् ।
लगातार विकेट पतन हुँदा नेपाल नाजुक स्थितिमा पुगेको छ । २९ ओभरको खेल सकिँदा नेपालको स्कोर ७३ रन छ । ७ विकेटको क्षतिमा । आरिफ शेख र वसन्त रेग्मी ब्याटिङ गरिरहेका छन् ।
नेपालको चौथो विकेट गुमेको छ । ज्ञानेन्द्र मल्ल आउट भएका छन् । ब्याटिङमा सागर पुन आएका छन् ।
नेपालको तेस्रो विकेट पतन भएको छ । अनील शाह १५ रन बनाएर आउट भएका छन् । ब्याटिङमा दीपेन्द्रसिंह ऐरी आएका छन् । १६ ओभरमा नेपालको स्को ४६ रन छ । ३ विकेटको क्षतिमा
-१४ ओभर सकिँदा नेपालको ४० र।न २ विकेटको क्षतिमा । अनील शाह र ज्ञानेन्द्र मल्ल ब्याटिङ गर्दै ।
-नेपालको दोस्रो विकेट झरेको छ । पारस खड्का १४ रन बनाएर आउट भएका छन् । ब्याटिङमा ज्ञानेन्द्र मल्ल आएका छन् ।
७ ओभरको समाप्तिमा नेपालको २३ रन १ विकेटको क्षतिमा
-४ ओभरमा नेपालको ६ रन १ विकेटको क्षतिमा ।
-नेपाललाई पहिलो झड्का । पहिलो ओभरको दोस्रो बलमै सुवास खकुरेल बोल्ड भएका छन । ब्याटिङका लागि पारस अाएका छन् ।
पहिलो खेलमा ओमानसँग ७ विकेट र दोस्रो खेलमा युएईसँग ७८ रनले पराजित भएको नेपालले तेस्रो खेलमा आयोजक मलेसियामाथि १९ रनको जित निकालेको थियो । चौथो खेलमा सिंगापुरलाई ४ विकेटले पराजित गरेको थियो ।
नेपाललाई फाइलनमा स्थान बनाउँदै एसियाकपमा छनोटको सम्भावना कायम राख्न हङकङलाई जित्नैपर्ने हुन्छ । अर्काे खेलमा ओमानले यूएईलाई पराजित गरे मात्रै नेपालको अघि बढ्ने सम्भावना रहन्छ ।
प्रतिक्रिया दिनुहोस !
