काठमाडौं : नेपाल एपीएफ क्लब र प्रदेश ४ पाँचौ ढोरपाटन राष्ट्रिय खुला पुरुष भलिबल प्रतियोगिताको उपाधि नजिक पुगेका छन् । शुक्रबार भएको पहिलो सेमिफाइनल खेलमा एपीएफले गिताञ्जली कलेजलाई ३-० को सोझो सेटमा हराउँदै उपाधि नजिक पुगेको हो । पहिलो र दोस्रो प्रतिस्पर्धात्मक क्वार्टरमा एपीएफले २५-२०, २५-२१ ले आफ्नो पक्षमा पार्यो । यसैगरी तेस्रो क्वार्टर पनि २५-१४ ले जित्दै एपीएफले फाइनलमा स्थान सुरक्षित गर्यो ।
नयाँ बसपार्कस्थित ढोरपाटन क्लबको खेल मैदानमा भएको दोस्रो सेमिफाइनलमा प्रदेश ४ ले ढोरपाटन क्लबलाई ३-१ को सेटमा हरायो । प्रदेश ४ ले पहिलो सेट २३-२५ ले गुमाए पनि लगातार तीन सेट २५-१५,२५-१९, २५-२० ले आफ्नो पक्षमा पार्दै एपीएफसँग उपाधि भिडन्त पक्का गरेको हो । फाइनल खेल शनिबार हुनेछ ।
प्रतिक्रिया दिनुहोस !
