ए डिभिजन लिग आजदेखि : उद्घाटन खेलमा त्रिभुवन आर्मी र एनआरटी भिड्दै
असोज १३, २०७५ शनिबार १३:३८:०
काठमाडौं : चार वर्षपछि हुन लागेको शहीद स्मारक ए डिभिजन लिग आजदेखि सुरु हुँदैछ।
घरेलु फुटबल आन्तरिक किचलोमा फसेपछि चार वर्षदेखि स्थगित हुँदै आएको ए डिभिजन लिग आजदेखि सुरु हुन लागेको हो।
रेलिगेशन नहुने प्रावधानसहित सुरु हुन लागेको लिगमा ए डिभिजनका १४ क्लबले करीब तीन महीना प्रतिस्पर्धा गर्नेछन्। सो प्रतियोगिता आगामी माघ १६ गतेसम्म चल्नेछ।
प्रतियोगिताको उद्घाटन खेलमा आज दिउँसो त्रिभुवन आर्मी क्लब र न्यूरो टिम (एनआरटी)बीच प्रतिस्पर्धा हुनेछ। ललितपुरको सातदोबाटोस्थित एन्फा कम्प्लेक्समा हुने खेल दिउँसो ३ बजे सुरु हुने लिगका निर्देशक सञ्जीव मिश्रले जानकारी दिए।
प्रतिक्रिया दिनुहोस !
