ओखलढुंगा : ओखलढुंगा सदरमुकाममा एक हप्तादेखि अवरुद्ध विद्युत अझै सुचारु हुन सकेको छैन । विद्युत अवरुद्ध भएपछि सरकारी तथा निजी क्षेत्रका कार्यालयको काम प्रभावित हुँदा सेवाग्राही मर्कामा परेका छन् ।
सिद्धिचरण नगरपालिका–११ स्थित गोरुमारे भञ्ज्याङमा रहेको सव स्टेशनमा रहेका ट्रान्सफर्मर बिग्रिएपछि ३३ केभी प्रशारण लाइन अवरुद्ध भएको हो । हाई भोल्टेजले ट्रान्सफर्मर पड्किएको नेपाल विद्युत प्राधिकरण ओखलढुंगा वितरण केन्द्रले जनाएको छ ।
ट्रान्सफर्मर पड्किएपछि खोटाङको बुइपा हुँदै ओखलढुंगा आउने र मोलुङ खोलामा उत्पादित विद्युत प्रशारणमा अवरोध पुगेको हो । शवस्टेशनमा ट्रान्सफर्मर नभएपछि मोलुङ खोलामा उत्पादित विद्युत समेत वितरण हुन सकेन । विद्युत नहुँदा बैंकिङ कारोबार, सरकारी सेवा तथा जिल्लामा नियमित प्रशारणमा रहेका सञ्चारमाध्यममा कार्यरत सञ्चारकर्मी बढी प्रभावित बनेका हुन् ।
प्रतिक्रिया दिनुहोस !
