काठमाडौँ : डिफेन्डिङ च्याम्पियन म्यानचेस्टर सिटीले उपाधि रक्षा अभियान जारी राखेको छ । यो सिजन प्रिमियर लिगमा अपराजित रहेको सिटीले गएराति वेम्ब्ली स्टेडियममा भएको खेलमा टोटनह्याम हट्स्परलाई पराजित गर्दै लिगको शीर्ष स्थानमै उक्लिएको छ ।
सिटीलाई महत्त्वपूर्ण तीन अंक दिलाउने क्रममा खेलको छैटौँ मिनेटमा रियाद महारेजले रहिम स्टर्लिङको पासमा गरेको गोल नै पर्याप्य भयो । पहिलो र दोस्रो हाफमा टोटनह्यामले खेलमा फर्किने कयौँ प्रयास गरे पनि सिटीको बलियो डिफेन्स लाइन चिर्न कठिन भयो ।
यो जितपछि सिटी १० खेलबाट २६ अंकसहित लिगको शीर्ष स्थानमा पुगेको छ । समान १० खेलबाट २६ अंकसहित लिभरपुल गोलअन्तरका आधारमा दोस्रो स्थानमा रहेको छ । १० खेलबाटै २४ अंक जोडेको चेल्सी तेस्रो स्थानमा छ ।
प्रतिक्रिया दिनुहोस !
