मुम्बई : नवदुलही दीपिका पादुकोणलाई लिएर रणवीर सिंह इटालीबाट मुम्बई फर्किएका छन् । दुवैजना बिहान ८ बजे मुम्बई एयरपोर्टमा उत्रिए । दुवै उस्तै रंगको पोशाकमा देखिए ।
एयरपोर्टमा उत्रिएपछि दुवैलाई फ्यानले घेरेर फोटो खिच्न भ्याए । इटालीबाट उड्नुअघि दुवैको तस्बिर सार्वजनिक भएको थियो । नयाँ जोडीको स्वागतका लागि रणवीरको प्रभादेवी मुम्बईस्थित घरलाई सिंगारिएको छ।
इटलीमा भव्य विवाह गरेपछि दीपवीरले २१ नोभेम्बरका दिन बैंगलोरमा परिवार र नातेदारका लागि एक रिसेप्सन राखेका छन् । त्यसपछि २८ नोभेम्बरमा मुम्बईमा पत्रकारहरुका लागि रिसेप्शन आयोजित गरिने भएको छ । १ डिसेम्बरमा दीपवीर बलिउडका साथीहरुका लागि पार्टी दिने तयारीमा छन् ।
फिल्मफेयरको रिपोर्ट अनुसार दीपिका र रणवीरले मुम्बईको जुहमा एक आलिशान बंगला किनेका छन् । उनीहरुले भब्य बंगला किन्नका लागि ७० करोड रुपैयाँ छुट्याएका थिए । तर ५० करोड रुपैयाँमै बंगला किन्न सफल भएका हुन् । दुवैले यस बंगलालाई आफ्नो इच्छा अनुसार डिजाइन गराइरहेका छन् । मुम्बई फर्किएपछि दुवै तत्काललाई रणवीरको अहिलेको घरमै रहनेछन् ।
प्रतिक्रिया दिनुहोस !
५
