दुर्घटनामा युवाको मृत्यु, शव लिन गएका आफन्त पनि दुर्घटनामा परे
मंसिर १२, २०७५ बुधबार १७:४१:०
सुर्खेत : सुर्खेतको सिम्ता गाउँपलिका–गजौडामा मोटरसाइकल दुर्घटनामा एक युवकको मृत्यु भएको छ । जाजरकोट छेडाबाट सुर्खेततर्फ आउँदै गरेको मोटरसाइकल बुधबार गजौडा नजिकै दुर्घटनामा परेको हो । भे ८ प ३४२४ नम्बरको मोटरसाइकल दुर्घटना हुँदा जाजरकोट शिवालय गाउँपलिका–९ नाहाडाका ३५ वर्षीय महेन्द्र चन्द ठकुरीको घटनास्थलमै मृत्यु भएको छ ।
मोटरसाइल सडकबाट करिब एक सय मिटर तल खसेको प्रहरीले जानकारी दिएको छ । दुर्घटनामा परेका ठकुरी भेरी नदी किनारमा मृत भेटिएको वादेपिपल इलाका प्रहरी कार्यालय जानकारी दिएको छ । ठकुरीको शव बुझ्न आएका आफन्त पनि दुर्घटनामा घाइते भएका छन् । दुर्घटनाको खबर पाएपछि आफन्तहरु ट्याक्टरमा आएका थिए ।
दुर्घटनास्थलमा आउँदै गर्दा कम्दमा लु १ त ९५७७ न ट्याक्टरको ट्रली पल्टिँदा २१ जना घाइते भएका हुन् । सिम्ता गाउँपालिका–४ बालिखोलाको मा ट्याक्टरको ट्रली पल्टेको प्रहरीले जनाएको छ । घाइते सबैलाई उपचारका लागि मेहलकुना लगिएको वादेपिपल इलाका प्रहरी कार्यालयका इन्चार्ज श्याम शाहले जानकारी दिए ।
प्रतिक्रिया दिनुहोस !
