सिरहा : सिरहा प्रहरीको सूचीमा रहेका चोरी मुद्दाका फरार अभियुक्त कटुवा पेस्तोलसहित पक्राउ परेका छन्। प्रहरीले चोरी मुद्दामा खोजी गर्दै जाँदा सखुवानन्कारकट्टि १ लतिहायी बजारबाट रविन्द्र कुमार मण्डल हतियारसहित पक्राउ परेका हुन्।
इलाका प्रहरी कार्यालय लहानका डीएसपी राजेश थापाका अनुसार प्रहरीले मण्डललाई खोज्दै जाँदा मंगलबार एक थान कटुवा पेस्तोलसहित पक्राउ परेका हुन्।
'मण्डलले समय समयमा ल्यापटपलगायत सरसमान चोरी गर्दै आएका थिए, उनीमाथि पहिलेकै चोरी मुद्दा छँदैछ', उनले भने,'अब म्याद थप गरी चोरी र हातहतियार दुवै मुद्दा चलाउछौँ।' उनका अनुसार पक्राउ परेको मण्डललाई इप्रका लहानमा राखिएको छ।
प्रतिक्रिया दिनुहोस !
