डोल्पा : गत कात्तिक १९ गते जिप दुर्घटनापछि भेरीमा खसेर हराएकी अमिना बुढाको शब फेला परेको छ । दुर्घटना भएको एक महिना १७ दिनपछि अमिनाको शव भेरी किनरामा फेला परेको हो ।
बाख्रा गोठलाले भेरीको किनारमा अमिनाको शव भेटेपछि खबर गरेको प्रहरी चौकी कालागौडाका इन्चार्ज शशीराम वलीले जानकारी दिए ।
शव अमिनाको नै भएको सनाखत उनका फुपाजु मिनराज ठकुल्लाले गरेका छन् । जिप दुर्घटना भएको स्थानबाट करिब ४ किलोमिट तल बयालचौरमा अमिनाको शब फेला परेको ठकुल्लाले बताए ।
गत कात्तिक १९ गते ठुलीभेरी नगरपालिकाको कालागौडाको बतासे डाँडामा भे १ च १६१० नम्बरको जिप दुर्घटना हुँदा १० जनाको घटनास्थलामै ज्यान गएको थियो भने अमिना बुढा बेपत्ता भएकी थिइन् ।
अमिनाको खोजीका लागि काठमाडौँबाट गोताखोर टोली मगाएर दुई हप्ता खोजी गरेपनि फेला नपेरेकी अमिनाको शब शनिबार भेरीको किनारमा फेला परेको हो ।
पानिमा डेढ महिना रहेकी अमिनाको शरिर सुन्निएको छ कपडा शरीरमै भेटिएको छ । आफन्तले अमिना नै भएको पुष्टि गरेपछि मुचुल्का उठाएर जिल्ला अस्पतालमा पोस्टमार्टमका लागि लगिएको कालागौडा प्रहरी चौकी इन्चार्ज शशीराम वलीले जानकारी दिए ।
महिनौसम्म चिसो पानीमा अमिनाको खोजीमा रहेका आफन्तले आशा मारिसकेको अवपस्थामा साढे एक महिनापछि शव भेटिएको खबरले परिवार र आफन्तलाई राहत मिलेको छ ।
जिप दुर्घटनामा ज्यान गुमाएका ११ जनाका परिवारले जनही ५ लाख पचास हजार राहत पाएका छन् । दुर्घटनामा जीवित चालक दिनेश बोहोरा हाल अनुसन्धानका लागि थुनामा छन् ।
प्रतिक्रिया दिनुहोस !
