माली : मालीको फुलानी हेर्डर्सस्थित मंगलबार हतियारधारी समूहको आक्रमणमा दर्जनौको संख्यामा आम नागरिकको मृत्यु भएको छ ।
घटनापछि यहाँको सरकारले विज्ञप्ति निकाल्दै आदिवासी डोन्जो शिकारी पहिरनमा रहेका आक्रमणकारीहरुले मंगलबार ३७ जनाको हत्या गरेको उल्लेख गरेको छ । थुप्रै मान्छे घाइते हुनुको साथै घरहरु जलाइएको पनि विज्ञप्तिमा उल्लेख छ ।
सन् २०१८ मा मात्रै मालीका विभिन्न ठाउँमा भएका जातीय तथा सम्प्रदायिक हिंसामा सयौंको मृत्यु भएको थियो । संयुक्त राष्ट्रसंघको रिपोर्ट अनुसार गत वर्ष ५ सय भन्दा बढीको ज्यान गएको छ ।
जमिन, खाद्यान्न, पानी लगायत प्राकृतिक स्रोत साधनका कारण यहाँ केही वर्षयता आदिवासी समुदायका किसानबीच साम्प्रदायिक तथा जातीय द्धन्द्ध देखिँदै आएको छ ।
गत जुनमा डोगोन किसानहरुको समूहको आक्रमणबाट फुलानी समुदायका २४ जना मारिएका थिए । मंगलबार भने स्थानीय समय अनुसार ५ बजे बिहान आक्रमण भएको हो । राजधानी बंकासबाट १ सय १७ किलोमिटर टाढाको यस क्षेत्रमा गाउँका नाइके (प्रमुख) समेत मारिएका छन् ।
प्रतिक्रिया दिनुहोस !
