स्कुलको गेटले किचेर बालकको मृत्यु, एक घाइते

स्कुलको गेटले किचेर बालकको मृत्यु, एक घाइते

दमक: झापाको दमक नगरपालिका-१० मा विद्यालयको गेटले किचेर एक बालकको मृत्यु भएको छ।अर्का एकजना  घाइते भएका छन्। मृत्यु हुनेमा छुका हेमरनका ७ वर्षीय छोरा बिजेन्दर हेमरन रहेका छन्।बुधबार दिउँसो साढे २ बजे जनता प्राथमिक विद्यालयमा नर्सरीमा अध्ययनरत हेमरनलाई स्कुलमा खेल्ने क्रममा अचानक मेन गेट लडेर किचेको थियो। गेटले थिचेर गम्भीर घाइते भएका बालकलाई उपचारका लागि लाइफ लाइन अस्पताल दमक लगिएको थियो।

उपचारको क्रमममा उनको दिउँसो पौने ३ बजे मृत्यु भएको इलाका प्रहरी कार्यालय दमकले जनाएको छ। बालकको पोष्टमार्टम पछि दाहसंस्कार गरिएको छ। हेमरनको परिवार मोरङ कानेपोखरी-२ घर भई हाल दमकमा डेरा गरी बस्दै आएको थियो। साथै सोही गेटले थिचेर दमक नगरपालिका-१० बस्ने फुलमाया दर्जीको ९ वर्षीया छोरी तारा दर्जी समेत घाइते भएकी छिन्।उनको लाइफ लाइन अस्पतालमा उपचार भइरहेको छ।

कमजोर संरचनाको सो गेट विद्यार्थी झुण्डिएर खेल्ने क्रममा गेट भत्किएर दुर्घटना हुन पुगेको विद्यालय प्रशासनले जनाएको छ । विद्यालयले भौतिक संरचनामा ध्यान नपुर्‍याउँदा दु:खद घटना घटेको स्थानीयको भनाई छ।  


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.