काठमाडौँ : राजधानीको कोटेश्वर नरेफाँटस्थित लालीगुराँस बाटिका सेकेन्डरी स्कुलले १३ औँ वार्षिकोत्सव विविध कार्यक्रम गरेर मनाएको छ ।
यही शुक्रबार र शनिबार विद्यानगरस्थित विद्यालय प्राङ्गणमा आयोजित वार्षिकोत्सव कार्यक्रमको उद्घाटन पूर्व शिक्षा मन्त्री डीआर पौडेल पौडेलले गरे । समापन समारोहका प्रमुख अतिथि शिक्षा मन्त्री गिरिराजमणि पोखरेल थिए ।
यस विद्यालयको १३ औँ वार्षिकोत्सवसँगै अभिभावक दिवस पनि मनाइएको छ । वार्षिकोत्सव र अभिभावक दिवसका क्रममा विद्यालयमा सञ्चालित विविध प्रतियोगितामा उत्कृष्ट विद्यार्थीहरुलाई पुरस्कृत गरिएको प्रबन्ध निर्देशक सुदर्शन पराजुलीले जानकारी दिए ।
वार्षिकोत्सवका अवसरमा लालीगुराँस पुञ्ज वार्षिक पत्रिका पनि विमोचन गरिएको छ। विद्यालयका प्रिन्सिपल हरि शिवाकोटीका अनुसार कार्यक्रमका क्रममा स्थानीय समुदाय, अभिभावक र विद्यार्थीहरुको उपस्थितिमा विविध सांस्कृतिक कार्यक्रम पनि गरिएको थियो ।
कार्यक्रममा सांस्कृतिक प्रतिभा देखाउने विद्यार्थी, शिक्षक कर्मचारी, एसईई २०७४ का परीक्षार्थीहरुलाई पुरस्कार र मायाको चिनो प्रदान गरिएको छ ।
प्रतिक्रिया दिनुहोस !
