सिन्धुलीमा माझी समुदायले लदीघाट धुमधामका मनाउँदै

सिन्धुलीमा माझी समुदायले लदीघाट धुमधामका मनाउँदै

सिन्धुली : माझी जातिको सबैभन्दा ठूलो सांस्कृतिक पर्वको रुपमा मानिने (लदी घाट)पूजाको अवसरमा शुभकामना आदान प्रादन गरिएको छ। नेपाल माझी उत्थान संघ मरिन गाउँपालिकाको आयोजनामा सोही गाउँपालिका- ६ मरिण छापस्थित धमीलेमा सामाजिक विकास मन्त्री युवराज दुलालको प्रमुख आतिथ्यतामा शुभकामना आदन प्रदान गरिएको हो। 

माझी जातिले फागुन २१ गते विशेष धुमधामका साथ लदी पूजा गर्दैछन्। माझी जातिले नदी (घाट)मा गएर डुंगा र नदीको पूजा गर्ने पर्वलाई कोशी या घाटपूजा समेत भनिन्छ। सोही अवसरमा कार्यक्रममा प्रदेश ३ का सामाजिक विकास मन्त्री दुलालको उपस्थिति रहेको थियो। कार्यक्रममा दुलालले आदीवासी जनजाती माझी समुदायकै ठूलो पर्वका रुपमा मानिने लदी पूजाले धार्मिक र सांस्कृतिक रुपमा सबै समुदायले जोड्दै लैजान सहयोग पुर्‍याएको बताए। 

उनले भने, 'नेपालको संविधानमै भाषा, धर्म र संस्कृतिलाई मौलिकहकमा उल्लेख गरेकाले लोपउन्मुख जाती र समुदायको संस्कृतिको जगेर्ना गर्न सरकार लागिपरेको छ।'  

कार्यक्रममा प्रदेश संसदहरु प्रदिप कटवाल, लेखनाथ दाहाल, बुद्धीमान माझी, आदीवासी जनजाती राष्ट्रिय उत्थान प्रतिष्ठानका सदस्य सचिव गोविन्दलाल माझी लागायतले दलि पर्व र यसको महत्वबारे चर्चा गर्दै माझी समुदायलाई शुभकामना व्यक्त गरे ।

प्रकृति पुजक माझी समुदायको महान पर्व कोसी पूजा (लदि पर्व) को पूर्वसन्ध्यामा आयोजित कार्यक्रममा विविध सांस्कृतिक झाँकीसहित नाच, गान प्रस्तुत गरिएको थियो। माझी जातिको घना वस्ती रहेको मरिणमा लदी पूजाको उपलक्ष्यमा मरिण गाउँपालिकाले फागुन २१ गते सार्वजनिक विदा दिएको छ।


 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.