ओखलढुंगा : सिद्धिचरण नगरपालिकाले नगर क्षेत्रका अगुवा किसानलाई हाते ट्रयाक्टर वितरण गरेको छ । नगर क्षेत्रका कृषक समूहका अगुवा किसानलाई कृषि क्षेत्रमा दिइने अनुदान रकमबाट कृषि औजार खरिद गरेर वितरण गरिएको हो ।
११ वटा कृषक समूहमा आबद्ध किसानहरुलाई खेतबारी जोत्न सहज होस् भन्दै ७५ प्रतिशत अनुदानमा उपकरण वितरण गरिएको कृषि शाखाले जनाएको छ ।
नगरपालिकाका प्रमुख मोहन श्रेष्ठका अनुसार किसानहरुलाई हाते ट्याक्टरसहित फ्रुट स्प्रे, माटो ड्रिलिङ मेसिनलगायत वितरण गरिएको छ ।
व्यवसायिक कृषकलाई सहयोग गर्न कृषक समूहमाफर्त संस्थागत सहयोग गरिएको नगरपालिकाले जनाएको छ । कृषि उद्यममा युवालाई आकर्षित गर्न यस्ता कार्यक्रम प्रभावकारी हुने राष्ट्रिय कृषक समूह महासंघका केन्द्रीय सदस्य हितराज कार्कीले बताएका छन् । यसअघि नगरपालिकाले मौरी पालक किसानलाई मौरीसहितका घार वितरण गरेको थियो ।
प्रतिक्रिया दिनुहोस !
