तनहुँ : तनहुँको शुक्लागण्डकी–२ गाछेपानीस्थित सडक दुर्घटनामा परी नेपाली सेनामा कार्यरत सैनिक जवानको मृत्यु भएको छ ।
मोटरसाइकलमा सवार इलामको माईजुमाई गाउँपालिका–३ का २६ वर्षीय शैलेश लिम्डुमको मृत्यु भएको हो । पोखरास्थित गौरीबक्स गुल्ममा कार्यरत शैलेश मे ५ प ९२९६ नम्बरको मोटरसाइकल पोखराबाट दमौलीतर्फ आउँदै गरेको ग २ च ९६२२ नम्बरको दूध बोक्ने जिपसँग ठोकिएको थियो ।
सोमबार दिउसो भएको घटनामा परी घाइते जवानको उपचारका क्रममा बेलचौतारास्थित जीपी कोईराला श्वासप्रश्वास केन्द्रमा मृत्यु भएको प्रहरीको भनाइ छ ।
प्रतिक्रिया दिनुहोस !
