नुवाकोट : रसुवाको सोलेखोलामा आइतबार मिनिट्रक दुर्घटना हुँदा चालकसहित ६ जना घाइते भएका छन्। एकको अवस्था गम्भीर छ। गोसाइँकुण्ड गाउँपालिका- ६ सोलेखोलामा ना ८ख २३०६ नम्बरको मिनीट्रक अनियन्त्रित भई दुर्घटना हुँदा ६ जना घाइते भएका छन्।
घाइते हुनेमा चालक गोसाइँकुण्ड गाउँपालिका-६ ठाडेका २३ वर्षीय नुर्बु तामाङ, ५ वर्षीय रोयाङ तामाङ, ३५ वर्षीय याङचिन तामाङ, ५० वर्षीय च्याप्ली तामाङ, ६ वर्षीय मेलिना घले र ४७ वर्षीय मेङ ग्याल्बो घले रहेको जिल्ला प्रहरी कार्यालय रसुवाका प्रमुख तथा प्रहरी नायव उपरिक्षक भाग्येन्द्रपुरुष ढकालले जानकारी दिए।
ठाडेवाट धुन्चेतर्फ आउँदै गरेको सो मिनिट्रक दुर्घटनामा परी घाइते भएका गोसाइँकुण्ड गाउँपालिका-६ ठाडेका ५ वर्षीय रोयाङ तामाङलाई थप उपचारका लागि कान्ति बाल अस्पताल काठमाडौं पठाइएको छ। अन्य घाइतेको अवस्था सुधारोन्मुख रहेको प्रहरी निरीक्षक ईश्वरीप्रसाद भण्डारीले बताए।
प्रतिक्रिया दिनुहोस !
