शिखर चिमौरीया
काभ्रे : धुलिखेल नगरपालिकामा एक होटलबाट ८ जुवाडे पक्राउ परेका छन्।धुलिखेल ६ स्थित नर्थपोल होटलमा शनिबार बेलुका ८ बजे छापा मार्दा जुवा खेलिरहेको अवस्थामा १ लाख ५७ हजार नगदसहित ८ जना पक्राउ परेका हुन्।
लुकिछिपी नर्थपोल होटलमा तास खेलाइरहेको भन्ने सूचनाका आधारमा छापा मार्ने क्रममा उनीहरुलाई पक्राउ गरेको जिल्ला प्रहरी कार्यालय काभ्रेका डीएसपी दिपक गिरी जानकारी दिए। तत्काल जिल्ला प्रहरी कार्यालय धुलिखेलबाट खटिएो प्रहरीको टोलीले छापा मारी ८ जना जुवाडे र उनीहरुको साथबाट १ लाख ५७ हजार रुपैयाँ बरामद गरेको हो।
पक्राउ पर्नेमा धुलिखेल ११ का दिपेन्द्र धिताल, नारायण भुजेल, धुलिखेल नपाका ७ का रामेश्वर तिमल्सिना, १२ वडा बस्ने सुमन तिमल्सिना, नमोबुद्ध नपा ६ बस्ने नवराज सुवाल, भुम्लु गापा १ सापिङका सुवास गिरी, गोरखा जिल्ला गोरखा नपा ६ का अमृत भण्डारी र सिन्धुपाल्चोकका चौतारा सागचोक गढी नपाका कुमार गिरी रहेको गिरीले जानकारी दिए।घटनाबारे अनुशन्धन भइरहेको डीएसपी गिरीले जानकारी दिए।
प्रतिक्रिया दिनुहोस !
