भक्तपुर : यसैबीच भक्तपुर नगरपालिका १० कमलविनायकमा एक पुरुष मृत फेला परेका छन्।स्थानीय उपेन्द्र ढकालको घरमा डेराकोठा गरी बस्ने करिब ४५ वर्षीय राजकुमार थापा आफ्नै कोठामा मृत अवस्थामा फेला परेका हुन्।
स्थानीयले थापा कोठामै मृत अवस्था रहेको खबर गरेपछि महानगरीय प्रहरी वृत जगाती भक्तपुरबाट प्रहरी अधिकृतसहितको टोली घटनास्थल पुगेको थियो। महानगरीय प्रहरी परिसर भक्तपुरका अनुसार जगातीको प्रहरी टोलीको प्रारम्भिक अनुसन्धान कार्यपश्चात लास पोष्टमार्टमको लागि भक्तपुर अस्पताल पठाइएको छ ।
मृतक थापाको स्थायी ठेगाना र परिवारबाट जानकारी प्राप्त हुन नसकेको भक्तपुर प्रहरीले जनाएको छ।घटनाबारे थप अनुसन्धान कार्य भइरहेको पनि प्रहरीले बताएको छ।
प्रतिक्रिया दिनुहोस !
