काठमाडौं : समता अस्पतालका सञ्चालक कला सञ्जेलसहित तीनजना तीन तीन लाख धरौटी बुझाएर रिहा भएका छन्। बिहीबार काठमाडौं जिल्ला अदालतमा धरौटी बुझाएर उनीहरू रिहा भएका हुन्।
बुधबार धरौटी बुझाउन नसकेपछि उनीहरूलाई जेल चलान गरिएको थियो।
अदालतका सूचना अधिकृत ज्ञानबहादुर कार्कीले अस्पतालकी सञ्चालक कला सञ्जेल र कर्मचारीहरू संगीता केसी र तीर्थकुमारी श्रेष्ठ धरौटी बुझाएर रिहा भएको बताए।
उनीहरूविरुद्ध काठमाडौं जिल्ला अदालतमा कर्तव्य ज्यान अन्तर्गत मुद्दा चलिरहेको छ। समता अस्पतालमा कार्यरत सफाई कर्मचारीको शंकास्पद आत्महत्याको विषयमा यसका सञ्चालक पनि विवादमा तानिएर अदालतमा मुद्दा खेपिरहेका छन्।
प्रतिक्रिया दिनुहोस !
