नुवाकोट : नुवाकोटको वगुवामा करेन्ट लागेर शनिबार एक जनाको मृत्यु भएको छ । सुर्यगढी गाउँपालिका वडा नं. ५ बगुवाका ३५ वर्षीय बिष्णु राईको करेन्ट लागेर शनिबार मृत्यु भएको नुवाकोट प्रहरी प्रमुख तथा प्रहरी उपरीक्षक कृष्णबहादुर पल्लिमगरले जानकारी दिए ।
राई स्थानीय दीपक गिरीको घरमा ल्याएको केबलको तार बनाउन शनिबार दिउँसो बिजुलीको पोलमा चढेका थिए। बिजुलीको तारमा छोएपछि करेन्ट लागेर गम्भीर घाइते भएका उनको नुवाकोट जिल्ला अस्पताल त्रिशूलीमा उपचारको क्रममा मृत्यु भएको पल्लिमगरले बताए। राईको शव नुवाकोट जिल्ला अस्पताल त्रिशूलीमा राखिएकाे छ ।
प्रतिक्रिया दिनुहोस !
