काठमाडौं : जिल्ला प्रशासन कार्यालय पर्साका तत्कालीन सहायक प्रमुख जिल्ला अधिकारी दुर्गादत्त पौडेलसहित ६ जनाविरुद्ध मुद्दा दायर गरिएको छ। अख्तियार दुरुपयोग अनुसन्धान आयोगले गलत कागजातको आधारमा गैर नेपालीलाई वंशजको आधारमा नागरिकता प्रमाणपत्र दिएको आरोप उनीहरुविरुद्ध विशेष अदालतमा मुद्दा दायर गरिएको हो।
उनले वीरगञ्ज महानगरपालिका-२ बस्ने अजहर हुसेन र आरिफ हुसेनको नाममा वंशजको आधारमा नेपाली नागरिकता वितरण गरेको थिए। अनुसन्धानमा वीरगञ्ज उपमहानगरपालिकाको बसाइसराइको सरकारी कागजातमा घरमुलीको विवरण सच्चाएको, वीरगञ्ज महानगरपालिका-२ को सिफारिसमा केरमेट गरी झुट्टा विवरणको आधारमा नक्कली नागरिकता बनाएको पुष्टि भएको अख्तियारले जनाएको छ।
नेपाली नागरिकता बनाउने कार्यमा वीरगञ्ज महानगरपालिका-२ बस्ने आरिफ हुसेन, सवरुन खातुन, वीरगञ्ज महानगरपालिका-२ का वडा अध्यक्ष शेष अव्वास, जिल्ला प्रशासन कार्यालय पर्साका नायव सुव्वा चन्द्रदेव ठाकुर, प्रशासकीय अधिकृत सदनकुमार कर्ण र तत्कालीन साहयक सीडीओ दुर्गादत्त पौडेलको संलग्नता देखिएकोले उनीहरुविरुद्ध भ्रष्टाचार निवारण ऐन सजायको मागदाबी गरिएको छ।
प्रतिक्रिया दिनुहोस !
