कुश्मा : पर्वत सदरमुकाम कुश्माबजारस्थित शिवालयचोकमा आइतबार दिउँसो बसको ठक्करबाट एकयुवाको मृत्यु भएको छ । मुस्ताङदेखि पोखराका लागि हिँडेको ग१ख ७००३ नम्बरको बसले कुश्माबजारस्थित शिवालयचोकमा पैदलयात्रीलाई ठक्कर दिँदा मोदी गाउँपालिका ४ लेस्पारका ३४ वर्षीय डिलबहादुर पुनको मृत्यु भएको हो।
गम्भीर घाइते भएका पुनलाई जिल्ला अस्पतालमा पुर्याउँदा चिकित्सकले मृत घोषणा गरेका हुन्।बसका चालक र बस प्रहरीको नियन्त्रणमा रहेको जिल्ला प्रहरी कार्यालयका प्रहरी निरीक्षक विकास थापाले जानकारी दिए। घटनाका बारेमा थप अनुसन्धान भइरहेको छ।
प्रतिक्रिया दिनुहोस !
