कोरोना भाइरस : अमेरिका पाँचौं स्थानमा, हालसम्म २ सय १७ को मृत्यु

अमेरिका  :  चीनको वुहानबाट सुरु भएको कोरोना भाइरसको संक्रमणबाट अमेरिकामा मृत्यु हुनेको संख्या दिनहुँ बढ्दो छ । यो समाचार तयार पार्दासम्म अमेरिकामा मृत्यु हुनेको संख्या दुई सय १७ पुगेको छ भने संक्रमितको संख्या १५ हजार नाघेको छ । अमेरिकामा बिहीबार मात्रै चार हजार ४८ जना नयाँ संक्रमित भेटिएका छन् । 

विश्वभर फैलिएको कोरोना भाइरसको संक्रमणको तथ्याङकअनुसार अमेरिका पाचौं स्थानमा छ । यहाँ बिहीबार मात्रै ६२ जनाको मृत्यु भयो । प्राप्त समाचार अनुसार न्यूयोर्क राज्यमा बढी संक्रमित छन् । न्यूयोर्कमा पाँचहजार सात सय ११ जना संक्रमित छन् । यो राज्यमाबिहीबार मात्रै दुई हजार छ सय २५ जनानयाँ संक्रमित भेटिए । 

त्यसपछि अमेरिकाको वासिङटन राज्यमा बढी संक्रमित छन्। यस राज्यमा हालसम्म १३ सय बढी संक्रमित भएको देखिन्छ भने बिहीबार मात्रै करिब दुई सय जना नयाँ संक्रमित भेटिएका छन् । वासिङटन राज्यमाहालसम्म ७४ जनाको मृत्यु भइसकेको छ । यसैगरी क्यालिर्फोनिया, न्यूजर्सी, फ्लोरिडा, लुजिआना, जर्जिया लगायतका राज्यमा मृत्यु हुनेको संख्या दिनहुँ बढ्दो छ । 

यसरी विश्व रेकर्ड हेर्दा हालसम्म इटालीमा ३४ सय पाँचजनाको मृत्यु भएको । इटालीमा बिहीबार मात्रै ९ सयजनाको मृत्यु भएको छ । यता चीनमा ३२ सय ४८ जनाको मृत्यु भएको छ। त्यहाँ बिहाबार ११ जनाको मृत्यु भयो । यसैगरी फ्रान्समाहालसम्म तीन सय ७२ जनाको मृत्यु भयो भने बिहीबार मात्रै एक सय ९७ जनाको मृत्यु भएको छ । यसैगरी यूकेमा हालसम्म एक सय ४४ जनाको मृत्यु भएको छ। 

यस्तै इरानमाहाल सम्म १२ सय ८४ जनाको मृत्यु भएको छ, भने त्यहाँबिहिवारमात्रैएक सय ४९ जनाको मृत्यु भएको खबर छ । यसैगरी स्पेनमाहालसम्म आठ सय ३१ जनाको मृत्यु भएको छभने बिहिवार मात्रै एक सय ४९ जनाको मृत्यु भईसकेको छ । विश्वभरको रेकर्डलाई हेर्दा संक्रमितहरु चीनमा बढी छन् । तथ्याङकअनुसार चीनमाबिहिवार सम्म ८० हजार भन्दा बढीलाई संक्रमण भएको छ ।