पीसीआर रिपोर्ट नेगेटिभ आएपछि दाहसंस्कार
दमौली : शनिबार बिहान मृत्यु भएका भानु २ शारदा कलेजस्थित क्वारेन्टिनका एक बिरामीको पीसीआर रिपोर्ट नेगेटिभ आएपछि परिवारले दाहसंस्कार गरेका छन् । भारतबाट चार दिनअघि आएका भानु ६ मैबल निवासी ६६ वर्षका रामबहादुर श्रेष्ठ शनिबार बिहान बिरामी परेपछि उनलाई उपचारका लागि पोखरा स्वास्थ्य विज्ञान प्रतिष्ठान लगिएको थियो ।
प्रहरी नायब उपरीक्षक युवराज तिमिल्सेनाका अनुसार उनको त्यहीं उपचारका लागि लैजाने क्रममा बाटामै ज्यान गएको थियो । तर कतिपयले भने उनको क्वारेन्टाइनमै ज्यान गएको आशंका गरेका थिए ।
प्रहरी नायब उपरीक्षक युवराज तिमिल्सेनाका अनुसार भने उनको पोखरा उपचारका लागि लैजाने क्रममा ज्यान गएको थियो । भानु नगरपालिकाका स्वास्थ्य एकाई प्रमुख ऐश्वर्यचन्द्र भट्टराईले वृद्धको शनिबार राती रिपोर्ट नेगेटिभ आएकाले पारिवारिक रितअनुसार दाहसंस्कार गरिएको बताए ।
भारतबाटै बिरामी अवस्थामा आएका उनी क्वारेन्टाइनमा रहँदादेखि नै बिरामी परेका थिए । उच्च रक्तचाप तथा सुगरका बिरामी उनले श्वासप्रश्वासमा अप्ठेरो भएको थियो।कोरोना भएको हुनसक्ने आशंकामा मृत्युपछि पीसीआर परीक्षण गरिएको थियो ।