काठमाडौं : काठमाडौं उपत्यकामा थप ३ जनामा कोरोना संक्रमण देखिएको छ। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले उपत्यकामा शुक्रबार थप ३ जनामा कोरोना संक्रमण भएको पुष्टि गरेका हुन्।विभिन्न प्रयोगशालामा गरिएको परीक्षणमा काठमाडौंका १ जना र भक्तपुरका २ जनामा कोरोना संक्रमण देखिएको हो।
यस्तै शुक्रबार थप १०१ जनामा कोरोना भाइरस (कोभिड-१९) संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार नयाँसहित कूल संक्रमितको संख्या १७ हजार ४४५ पुगेको छ ।मन्त्रालयका अनुसार पछिल्लो २४ घन्टामा २८५ जनाले कोरोना जितेर घर फर्किएका छन्। योसहित कोरोना जित्नेको कुल संख्या ११ हजार ५ सय ३४ पुगेको छ।
बिहीबार मात्र १६६ जनामा कोरोना भाइरस संक्रमण देखिएको थियो। मन्त्रालयका प्रवक्ता डा. गौतमकाअनुसार पछिल्लो २४ घण्टामा ४ हजार ६सय ८८ जनाको पीसीआर नमुना परीक्षण भएका छन् ।यी नमूना २७ वटा प्रयोगशालाबाट गरिएको हो। क्वारेन्टाइनमा रहनेको संख्या २२ हजार ७५६ पुगेको छ। यस्तै मन्त्रालयकाअनुसार आइसोलेसनमा ५ हजार ८७१ जनाको उपचार भइराखेको छ ।
प्रतिक्रिया दिनुहोस !
