काठमाडौं : कागेश्वरी मनोहरा नगरपालिका -१ गागलफेदीमा पहिराले पुरिएर एकजनाको मृत्यु भएको छ ।गागलफेदीस्थित सातघट्टेमा खसेको पहिरोमा पुरिएर २२ वर्षीय नवराज गुरुङको ज्यान गएको महानगरीय प्रहरी वृत बौद्धका प्रहरी नायब उपरीक्षक नवीन कार्कीले जानकारी दिए।
कार्कीका अनुसार आठजना गएकामध्ये मृतक गुरुङ शौच गर्न भनेर खोला छेउ जंगलमा गएका थिए। त्यही बीचमा आएको पहिरोमा परी गुरुङको मृत्यु भएको हो । पहिरोमा पुरिएका गुरुङको शव परीक्षणका लागि त्रिवि शिक्षण अस्पताल महाराजगञ्जमा लगिएको थियो।उनको आइतबार साँझ मृत्यु भएको हो।रासस
प्रतिक्रिया दिनुहोस !
