कुश्मा : पर्वतको मोदी गाउँपालिका ६ तिलाहारस्थित रातमाटामा ट्याक्टर दुर्घटना हुँदा सोही ट्याक्टरका सहचालककोमृत्यु भएको छ । मोदी गाउँपालिकाको ७ राम्जादेउरालीबाट २ देउपुरतर्फ आउँदै गरेको ग. १ त. ६२७९ नम्बरको खाली ट्याक्टर मंगलबार राती साढे १० बजे अचानक सडकबाट तल खस्दा मोदी गाउँपालिका ५ बाजुङका सहचालक २१ वर्षीय युवा विजय नेपालीको मृत्यु भएको हो ।
अन्दाजी १२ मिटर तल खसेको ट्याक्टरले किचेर नेपालीको घटनास्थमै मृत्यु भएको प्रहरीले जनाएको छ । घटनालगत्तै जिल्ला प्रहरी कार्यालय पर्वतवाट गएको टोलीले ट्रयाक्टरका चालक मोदी गाउँपालिका २ बस्ने सन्तोष विकलाई नियन्त्रणमा लिएको जिल्ला प्रहरी कार्यालयका सूचना अधिकारी बुद्धिप्रसाद सुवेदीले जानकारी दिए ।
मृतक नेपालीको शव पोष्टमार्टमका लागि जिल्ला अस्पतालमा राखिएको छ । कच्ची भिरालो बाटोमा तीब्र गतिमा गुडाएका कारण दुर्घटना भएको हुनसक्ने प्रहरीको अनुमान छ ।
प्रतिक्रिया दिनुहोस !
