किम भन्छन्: सबैभन्दा ठूलो शत्रु अमेरिका, जो राष्ट्रपति भए पनि हामीलाई हेर्ने नीति फेरिँदैन !

सोल: उत्तर कोरियाली नेता किम जोङ उनले अमेरिका आफ्नो देशको 'सबैभन्दा ठूलो शत्रु' भएको भन्दै अमेरिकामा जोसुकै राष्ट्रपति भए पनि वासिंटनले आफ्नो देशप्रति नीति परिवर्तन गर्ने अपेक्षा नराखेको बताएका छन् ।

सत्तारुढ वर्कर्स पार्टीको अधिवेशनलाई सम्वोधन गर्दै नेता किमले यस्तो प्रतिक्रिया दिएका हुन् । यस क्रममा किमले आणविक हतियार सैन्य क्षमता बढाउने पनि बताएका छन् । यस्तै उनले आणविक पनडुब्बीको पनि पूर्ण तयारी भइसकेको जनाए ।

अमेरिकामा डमोक्रयाट्सको तर्फबाट नवनिर्वाचित राष्ट्रपति जो बाइडेनले सरकार सञ्चालनको तयारी गरिरहँदा उत्तर कोरियाली नेता किमले यस्तो प्रतिक्रिया दिएका हुन् । अमेरिकामा आगामी जनवरी २० मा बाइडेनले औपचारिक रुपमा नयाँ सरकारको जिम्मेवारी पाउनेछन् ।

अमेरिकामा डेकोक्रयाट्सको तर्फबाट राष्ट्रपति निर्वाचित भइरहँदा उत्तर कोरिया लगायत देशहरुसँगको नीति परिवर्तन हुनसक्ने टिप्पणी भइरहँदा उत्तर कोरियाबाट यस्तो प्रतिक्रिया आएको हो । यद्यपि ट्रम्पकै कार्यकालमा अमेरिका र उत्तर कोरियाबीच वार्ता सम्भव भएको थियो ।