जाकर्ता : इन्डोनेसियामा गएको पहिरोमा परी ११ को मृत्यु भएको छ । यसबारे आइतबार जानकारी दिँदै अधिकारीहरूले १८ जना घाइतेसमेत भएको बताएका छन् ।
अन्तर्राष्ट्रिय सञ्चारमाध्यमहरूका अनुसार इन्डोनेसियाको पश्चिमी गाउँ सिहान्जङमा शनिबार बेलुकी पहिरो गएको थियो । सो गाउँमा ४ र साढे ७ बजे गरी दुईपटक पहिरो गएको इन्डोनेसियाका राष्ट्रिय बिपद् व्यवस्थापन परिषद्का प्रवक्ताले भनाइ जारी गर्दै बताएका छन् ।
‘पहिलो पहिरो धेरै पानी र खुकुलो माटो भएकाले गएको थियो’, उनले भनेका छन्, ‘दोस्रो पटक पहिलो पहिरोमा परेकाको उद्दार गर्ने क्रममा पहिरो गयो ।’
शनिबार नै इन्डोनेसियामा ६२ यात्रु बाकेको जहाज पनि दुर्घटना भएको थियो ।
प्रतिक्रिया दिनुहोस !
