बेइजिङ: चीनले ताइवानको हवाइ रक्षा पहिचान क्षेत्रमा आफ्ना युद्धविमानहरु पठाएको छ । आइतबार आफ्ना १२ वटा युद्ध विमान त्यसतर्फ पठाएको हो ।
ताइवानी टापुलाई लिएर अमेरिकासँग तनाब बढिरहँदा चीनले यस्तो गतिविधि बढाएको हो । साथै अमेरिकामा नवनिर्वाचित राष्ट्रपति जो बाइडेनले कार्यकाल सम्हाल्ना साथ ताइवानबारे चीनले विमान पठाउँदा चासोका साथ हेरिएको छ ।
ताइवानलाई चीनले आफ्नो क्षेत्रको रुपमा शासन गर्दैआएको छ । साथै पछिल्लो समय उसले टापु नजिकै सैन्य गतिविधि बढाउँदै गरेको छ । तर यस विषयलाई लिएर अमेरिकासँग पनि तनाब बढ्ने गरेको छ ।
ताइवानका अनुसार चीनले आठ वटा बम वर्षक विमान र लडाकु विमानहरु शनिबार रक्षा क्षेत्रमा पठाएपछि फेरि युद्धविमान पठाएको हो ।
ताइवानका रक्षामन्त्रालयले बताए हनुसार चीनले ६ वटा जे १० फाइटर प्लेन, ४ वटा जे १६, २ वटा एसयू ३०, एउटा वाई ८ र २ वटा वाई ८ पनडुब्बी पठाएको थियो ।
यससँगै चीनको यस्तो गतिविधिले अमेरिकाको ध्यान तान्ने विश्लेषण अन्तर्राष्ट्रिय मिडियाले गरेका छन् । अमेरिकाको भने अन्य धेरै देशसँग जस्तै ताइवानसँग औपचारिक कुटनीतिक सम्बन्ध छैन ।
प्रतिक्रिया दिनुहोस !
