टोक्यो: जापानको राजधानी टोक्योस्थित एक महिलाले मृत्यु भइसकेकी आफ्नी आमाको शव १० वर्षदेखि फ्रिजरमा राखेको भेटिएपछि ती महिलालाई प्रहरीले पक्राउ गरेको छ ।
युमी योसिनो नाम गरेकी ४८ वर्षीया ती महिलाले मृत्युबारे भने केही खुलासा गरेकी छैनन् । तर आमासँगै बस्दैआएकी युमीले टोक्योस्थित घर छोड्न मन नलागेर आमाको शव लुकाएर राखेको प्रतिक्रिया दिएकी छन् ।
प्रहरीका अनुसार शवमा कुनै चोट पटक लागेको छैन । यद्यपि हत्या वा स्वभाविक मृत्यु भन्नेबारे प्रहरीले अनुसन्धान गरिरहेको जनाएको छ ।
घरको भाडा नतिरेपछि ती महिलालाई घर छोड्न बाध्य बनाएपछि घर सफा गर्न लगाइएका व्यक्तिले फ्रिजरमा शव भेटिएको जापानी मिडियाले लेखेका छन् । ती महिलाकी आमाको ६० वर्षको उमेरमा मृत्यु भएको बुझिएको छ ।
प्रतिक्रिया दिनुहोस !
