धरान : बीपी कोइराला स्वास्थ्य विज्ञान प्रतिष्ठान धरानमा एक लाख भन्दा बढी कोभिड-१९ का संक्रमितको पिसिआर परिक्षण गरिएको छ । नेपालमा कोभिड-१९ को संक्रमण सुरु भएसंगै प्रतिष्ठानमा रहेको कालाजार प्रयोगशालाबाट पिसिआर परीक्षण गरी संक्रमित विरामीहरुलाई सेवा प्रदान गरिएको हो ।
बीपी प्रतिष्ठानमा रहेको सिमित श्रोत र साधनको अभावका बावजुत पनि हालसम्म एकलाख एक सय ६३ जना संक्रमितको स्वाब संकलन गरी पिसिआर परीक्षण सेवा प्रदान गरिएको प्रतिष्ठानको माईक्रोबायोलोजी विभागका प्रमुख डा नारायणराज भट्टराईले जानकारी दिएका छन् । उनले कालाज्वरको अध्ययन र अनुसन्धान गर्न दातृनिकाय बेल्जियम स्थित ईन्स्टिच्युट अफ ट्रफिकल मेडिसिनको क्षमता अभिबृद्धि कार्यक्रमको सहयोगमा प्रतिष्ठानमा स्थापना गरिएको प्रयोगशालामा कोभिड-१९ को संकट पर्दा पिसिआर परीक्षणको नेतृत्वदायी भुमिका निर्वाह गरी सर्बसाधारणलाई सेवा प्रदान गरेको बताए ।
यसका साथै पिसिआर परिक्षणका लागि ३६जना दक्ष जनशक्ति परिचालन गरिएको उनले जानकारी दिएका छन् ।
कोरोनाको दास्रो लहर सुरु भएसंगै प्रतिष्ठानले कोभिड-१९ परिक्षणको दाहेरा समेत बढाएको छ । प्रदेश १ र २ का वासिन्दालाई सेवा दिइरहेको प्रतिष्ठानमा हाल दैनिक एक हजार जनाको पिसिआर परिक्षण गर्न सकिने प्रतिष्ठानको प्रयोगशाला प्राविधिक गणेश प्रसाद साहले जानकारी दिएका छन् । उनले प्रतिष्ठानमा प्रदेश १ र २ का विभिन्न स्वास्थ्य संस्था र स्थानिय निकायले संकलन गरेको पिसिआर नमुनालाई प्रतिष्ठानको प्रयोगशालामा परिक्षण गर्ने गरिएको बताए ।
कोभिड-१९ को महामारी सुरु भएपश्चात बीपी प्रतिष्ठानमा सय बेडको कोभिड अस्पताल संचलानमा ल्याइएको छ । कोभिड अस्पतालमा प्रदेश १ र २ का २ हजार एक सय २० जनालाई भर्ना गरि उपचार गरिएको प्रतिष्ठानका सहायक प्रवक्ता डा. चुडामणि पोखरेलले बताए । उनले प्रतिष्ठानमा भर्ना भएका एक हजार ३ सय ६९ जना निको भएर डिस्चार्ज भएको बताए ।
प्रतिष्ठानमा कोभिड लागेका एकसय ३३ जना मृगौला रोगका विरामीहरुको डायलिसिस गरिएको पनि जानकारी दिए । प्रतिष्ठानमा हाल सम्म ३ सय २३ जना कोभिड-१९ का संक्रमित विरामीहरुको उपचारका क्रममा निधन भएको सहायक प्रबक्ता पोखरेलले जानकारी दिएका छन् ।
प्रतिक्रिया दिनुहोस !
