बेनी : नेकपा माओवादी केन्द्रको म्याग्दीका ३० वटा वडामा नयाँ नेतृत्व चयन भएको छ । बेनी नगरपालिका र मंगला गाउँपालिकाको सबै वडामा नेतृत्व चयन भएको छ । शनिबार २२ वटा वडामा अधिवेशन भएको थियो । जिल्ला संयोजक रेशम जुग्जालीका अनुसार यसअघि ८ वटा वडामा अधिबेशन भइसकेको थियो ।
‘बाँकी १५ वटा वडामा पनि ११ गते हुने पालिका अधिबेशन अघिनै नेतृत्व चयन गर्ने तयारी भएको छ,'उनले भने, ‘बेनी नगरपालिका र मंगला गाउँपाकिलाको सबै वडामा अधिबेशन सकिएको छ ।’ धेरै ठाउँमा नेतृत्व हस्तान्तरण भएको छ । वडा कमिटीको पदाधीकारीमा युवा, दलित र महिलाहरुको बाहुन्यता देखिएको नेताहरुले बताएका छन् ।
संयोजक जुग्जालीले म्याग्दीमा माओवादी केन्द्रको सदस्य संख्या तीन हजार जना पुगेको पनि जानकारी दिए । बेनी नगर अध्यक्ष सेरबहादुर केसीका अनुसार १ देखि १० नम्बर वडामा क्रमश : हिराबहादुर बोगटी (सुरत), कृष्णबहादुर कार्की, खिमबहादुर पुन, केन खत्री (सन्दिप), बिज्ञान केसी, यादब सुबेदी, बिजय किसान, मोहन बरुवाल, सागर बानिया र केशबहादुर बस्यालको अध्यक्षतामा कमिटि गठन भएको छ ।
मंगला गाउँपालिकाको १ देखि ५ नम्बर वडामा क्रमश : ओमबहादुर किसान, अर्जुन शाही,सोमबहादुर छन्त्याल, दलबिर पुन र अस्तमान घर्ती वडा कमिटीको अध्यक्षमा चयन भएका माओवादीका प्रदेश कमिटी सदस्य टेकबहादुर विकले जानकारी दिए ।
रघुगंगा गाउँपालिकाको १मा खिमबहादुर पुर्जा, २ मा बिरबहादुर कटुवाल (बालकृष्ण), ३ मा रमेश शर्मा (नारायण), ५ मा भिमबहादुर विक र ६ मा सन्तोष बिकको अध्यक्षतामा वडा कमिटी चयन भएको पालिका अध्यक्ष हरी भण्डारीले बताए ।
यसैगरी अन्नपूर्ण गाउँपालिकाको वडा नम्बर ५ शिखमा उदिप्रसाद पाइजा, ६ घारमा टिकबहादुर बरुवालको अध्यक्षतामा १७ सदस्यीय र वडा नम्बर ७ हिस्तानमा नन्दबहादुर पुनको अध्यक्षतामा २५ सदस्यीय वडा कमिटि गठन भएको गाउँपालिका इञ्चार्ज बुद्धी पुनले जानकारी दिए ।
मालिका गाउँपालिकाको वडा नम्बर २ मा हर्कलाल बिक, ३ मा मोतिप्रसाद बुढा, ४ मा रेशम पुन, ५ मा रबिन्द राना र ६ मा ओमकार रोकाको अध्यक्षतामा वडा कमिटि गठन भएको छ । यसअघि वडा नम्बर २ को अधिवेशन भएको धवलागिरी गाउँपालिकामा ६ देखि ९ गतेभित्र अधिवेशन गर्ने मिति तय भएको जिल्ला सदस्य किरन थापाले बताए ।
प्रतिक्रिया दिनुहोस !
