भोजपुरको हतुवागढी गाउँपालिकामा गठबन्धन भत्काउँदै एमाले विजयी
जेठ २, २०७९ सोमबार १३:५२:०
भोजपुर : सत्ता गठबन्धन हराउँदै भोजपुरको हतुवागढी गाउँपालिकामा नेकपा एमालेका प्रेमकुमार राई विजयी भएका छन् ।
उनले गठबन्धनबाट उम्मेदवार बनेका नेपाली कांग्रेसका गजेन्द्र कार्कीलाई ६८९ मतले हराउँदै गाउँपालिका अध्यक्षमा निर्वाचित भएका हुन् ।
दोस्रो कार्यकालका लागि निर्वाचित बनेका राईले ४ हजार ४० मत ल्याएका थिए ।
उनका निकटत्तम प्रतिद्वन्द्वी कार्कीले ३ हजार ३ सय ५३ मत ल्याएका थिए ।
त्यस्तै, गाउँपालिकाको उपाध्यक्ष पदमा भने गठबन्धनको तर्फबाट माओवादी केन्द्रकी सुनिता किराती विजयी भएकी छन् ।
उनले ३ हजार ७ सय ७ मत ल्याएकी छन् भने उनका प्रतिद्वन्द्वी नेकपा एमालेकी कमला राईले ३ हजार ६ सय ११ मत ल्याइन् ।
९ वडा रहेको उक्त गाउँपालिकाको वडा नं १, २, ३, ४, ५, ६ र ९ एमाले र वडा नं ७ र ८ मा नेपाली कांग्रेसले जितेको छ ।
प्रतिक्रिया दिनुहोस !
